Jujur dina nyarita sarta nyekel deleg kana tauhid ka Allah swt., eta teh mengrupikeun bekel dadasar anu teu tiasa ditawar-tawar. Sapertos anu kantos didugikeunkeun ku Naufal (48), yen kajujuran jeung katauhidan teh mangrupikeun dua hal anu kedah diajarkeun ka palaputra. Naufal nyarios, “budak anu kalatih nyarita jujur jeung terbuka, bakal ngabantos sepuhna dina perkawis mirosea palaputrana”.
Numutkeun pangemut anjeuna, terbuka antawis sepuh sareng nu janten putrana nyaeta mangrupikeun cara anu langkung sae kanggo ngaraketkeun komunikasi supados langkung efektif. Ngadidik palaputra anu katawis benten yuswa sareng sepuhna, ngagaduhan panghalang anu teu sami. Anjeuna masihan conto, nalika putra cikalna geus manjing umurna teu katawis aya perkawis anu aneh-aneh, sadayana lancar. Putra cikal eta tiasa nembrakeun sikep terbuka tur jujur kanu janten sepuhna. Benten sareng putrana anu kadua, nalika geus manjing umurna teh manehna mah teu siga lanceukna nyaeta terbuka.
Ditekenkeun pisan kunu janten sepuh ti Luluk Aulianisa sareng Iqbal Bramanthya ieu, pihakna teu pernah ngabibita palaputrana ku mangrupi-rupi hadiah, anging pupuji. “dalah simkuring teu eureun-eureun nyempetkeun jang muji ka barudak” saur anjeuna.
Ngenaan perkawis parenting skill, Naufal ngangken yen ngawuruk barudak ku ajenan anu hade pikeun bekel engke jaga bakal jadi sepuh teh kacida pisan diperyogikeuna. Numawi, ha ieu teh teu sakabeh barudak menang pangalaman pangaweruh anu hade ti kolotna.